Պորոշենկոն թույլատրել է Դոնբասի բնակիչներին առանց դատարանի որոշման 30 օրով ձերբակալելը
Gazeta.ru-ի փոխանցմամբ՝ Ուկրաինայի նախագահ Պյոտր Պորոշենկոն թույլատրել է երկրի արևելքում տարվող հատուկ գործողության գոտում խաղաղ քաղաքացիներին ձերբակալել 3-30 օրով՝ առանց դատարանի որոշման: Այս մասին հայտնել է Ուկրաինայի նախագահի մամլո ծառայությունը:
Փաստաթղթի համաձայն, կանխարգելիչ ձերբակալման համար հիմք է հանդիսանում այդ անձանց կողմից ահաբեկչական գործունեություն ծավալելու կասկածանքը: Ձերբակալություններն իրականացվելու են շրջաններում Ուկրաինայի Անվտանգության խորհրդի գլխավոր վարչության պետի կամ էլ ՆԳՆ-ի գլխավոր վարչության պետի որոշմամբ, դատախազի համաձայնությամբ ու առանց դատարանի որոշմամբ:
Ընդգծվում է, որ դա հնարավորություն կտա հակաահաբեկչական գործողության անցկացման ժամանակ բարձրացնել իրավապահ մարմինների արդյունավետության ու օպերատիվության մակարդակը և կնպաստի ահաբեկիչներին վնասազերծելու նրանց առաջադրանքների կատարմանը: Պորոշենկոն ստորագրել է նաև հակաահաբեկչական գործողության գոտում դատախազների լիազորությունների ընդլայնման մասին օրենքը:
