Թուրքիայի պաշտպանության նախարարը սեպտեմբերին կժամանի Բաքու
Axar.az-ի փոխանցմամբ` Թուրքիայի պաշտպանության նախարար Իսմեթ Յըլմազի գլխավորած պատվիրակությունը սեպտեմբերին կայցելի Բաքու: Թուրքական պատվիրակությունը սեպտեմբերի 11-13-ին մասնակցելու է Բաքվում կայանալիք ADEX-2014 ռազմական ցուցահանդեսին, որը կազմակերպում է Ադրբեջանի պաշտպանական արդյունաբերության նախարարությունը:
Յըլմաղն Ադրբեջանում քննարկելու է մի շարք թեմաներ: Թուրքական պատվիրակության կազմում գտնվելու է նաև այդ երկրի պաշտպանական արդյունաբերության նախարարության քարտուղար Իսմայիլ Դեմիրը: Իսմեթ Յըլմազն օգոստոսի 19-ին Նախիջևանում մասնակցել է Թուրքիայի, Վրաստանի ու Ադրբեջանի պաշտպանության նախարարների եռակողմ հանդիպմանը:
