Պորոշենկոն խոստացել է ԵՄ-ի հետ Ասոցացման համաձայնագիրը վավերացնել մինչև սեպտեմբերի վերջ
ZN.UA-ի փոխանցմամբ` Ուկրաինայի Գերագույն ռադան ԵՄ-ի ու Ուկրաինայի միջև ստորագրված Ասոցացման համաձայնագիրը կվավերացնի ընթացիկ տարվա սեպտեմբերին: Այս մասին Կիևում լրագրողների հետ ճեպազրույցում հայտարարել է Ուկրաինայի նախագահի աշխատակազմի ղեկավարի տեղակալ Վալերի Չալին:
Նա ընդգծել է, որ այդ հարցը չի հետաձգվի և համաձայնագիրը կվավերացվի մինչև սեպտեմբերի վերջ: Ուկրաինան ու ԵՄ-ը Ասոցացման համաձայնագրի տնտեսական մասը ստորագրել են ընթացիկ տարվա հունիսի 27-ին, Բրյուսելում: Նախկին վարչապետ Յուլյա Տիմոշենկոյի «Բատկիվշչինա» կուսակցությունը պահանջել է անհապաղ վավերացնել Ասոցացման համաձայնագիրը:
