Ուկրաինան Շվեյցարիային խնդրել է վերադարձնել Յանուկովիչի թիմի սառեցված միջոցները
Ուկրաինական UNIAN լրատվական գործակալության փոխանցմամբ` Ուկրաինան Շվեյցարիայի իշխանություններին խնդրել է իրեն տրամադրել նախկին նախագահ Վիկտոր Յանուկովիչի շրջապատի սառեցված միջոցները: Ներկայումս շվեյցարական կողմն ուսումնասիրում է այդ դիմումը:
Փետրվարին Շվեյցարիայի Դաշնային խորհուրդը վճռել էր սառեցնել երկրի բանկերում Ուկրաինայի երկու տասնյակ քաղաքացիների հաշիվները: Դա մասնավորապես առնչվել է Վիկտոր Յանուկովիչին ու նրա որդի Ալեքսանդրին, Սերգեյ Արբուզովին, Նիկոլայ Ազարովին և նախկին կառավարության այլ անդամների:
Շվեյցարիայի Դաշնային դատախազության տվյալներով` սառեցված միջոցների թիվը կազմում է մոտ 170 միլիոն ֆրանկ (193.7 միլիոն դոլար):
