Աբխազիայի ԿԸՀ-ի նախագահի տան բակում պայթյուն է որոտացել
Ռուսական ИТАР-ТАСС լրատվական գործակալության փոխանցմամբ` այսօր վաղ առավոտյան ժամը 04.00-ին պայթյուն է որոտացել Սուխումում` Աբխազիայի ԿԸՀ-ի նախագահ Բատալ Տաբագուայի մասնավոր տան բակում: Պայթյունի հետևանքով ոչ ոք չի տուժել:
Այս մասին հայտարարել է հանրապետության ներքին գործերի նախարարի պաշտոնակատար Ռաուլ Լոլուան: Նրա խոսքերով` չպարզված պայթուցիկ սարքը գործել է բակի ներքին անկյունում: Պայթյունի հետևանքով կոտրվել են ԿԸՀ-ի նախագահի տան պատուհանները: Տարվում է հետաքննություն:
Օգոստոսի 24-ին Աբխազիայում անցկացվելու են վաղաժամ նախագահական ընտրություններ:
