Դոնբասի ենթակառուցվածքների վերականգնումը կպահանջի 8 միլիարդ դոլար. Յացենյուկ
Ռուսական РИА Новости լրատվական գործակալության փոխանցմամբ` Ուկրաինայի վարչապետ Արսենի Յացենյուկը նոր թիվ է նշել, որը նրա կարծիքով անհրաժեշտ է երկրի արևելքի վնասված ենթակառուցվածքների վերականգնման համար:
Յացենյուկի խոսքերով` վերանորոգման աշխատանքների թիվը կարող է հասնել 8 միլիարդ դոլարի: Յացենյուկն այս մասին հայտարարել էր Ուկրաինայում ագրարային արտադրանքի խոշորագույն արտադրողների հետ հանդիպման ժամանակ:
Հուլիսի վերջին Յացենյուկը հայտարարել էր, որ ռազմական գործողություններից հետո Դոնբասի վերականգնման համար Ուկրաինայի կառավարությանն անհրաժեշտ կլինի մոտ 2 միլիարդ գրիվնա (մոտ 150 միլիոն դոլար, մոտ 50 անգամ ավելի պակաս գումար, քան ներկայումս հայտարարված գումարն է), իսկ դրանից առաջ էլ` 8 միլիարդ գրիվնա (մոտ 601 միլիոն դոլար):
Ուկրաինայի արևելքում ռազմական գործողություններն ընթանում են այս տարվա ապրիլի 15-ից:
