Սաակաշվիլին Վրաստանի կառավարությանը վերադարձրել է բյուջետային միջոցներով գնած կոստյումներն ու վերարկուն
Грузия Online-ի փոխանցմամբ` Վրաստանի նախկին նախագահ Միխեիլ Սաակաշվիլին իր զգեստապահարանի մի մասն ուղարկել է Վրաստանի կառավարության նստավայր: Այս մասին այսօր հայտնել է Սաակաշվիլու գրասենյակի մամլո ծառայությունը:
Սաակաշվիլու ուղարկած ծանրոցում գտնվել են կոստյումներ ու վերարկու, որոնց նա գնել է պետական միջոցներով: Օրեր առաջ Վրաստանի Գլխավոր դատախազությունը Սաակաշվիլուն մեղադրել էր բյուջետային միջոցների հաշվին իր համար 8 կոստյում և 1 վերարկու գնելու մեջ: Այժմ Սաակաշվիլին որոշել է վերադարձնել դրանք:
