Ուկրաինայի արտգործնախարարը ներկայացրել է արտաքին քաղաքական ոլորտում իրենց 3 «կարմիր գծերը»
Ուկրաինական UNIAN լրատվական գործակալության փոխանցմամբ` Ուկրաինայի արտգործնախարար Պավել Կլիմկինը հայտարարել է, որ Ուկրաինան արտաքին քաղաքական զարգացման ոլորտում ունի երեք գլխավոր կետ, որոնք հանդիսանում են յուրօրինակ «կարմիր գծեր».
«Նախևառաջ Ուկրաինան պետք է լինի եվրոպական ժողովրդավարական պետություն: Երկրորդ` Ուկրաինան պետք է ընթանա եվրոպական ճանապարհով: Եվ երրորդ` Ուկրաինան ինքը պետք է հստակեցնի իր ապագան:
Ուկրաինան ինքը պետք է որոշի, թե ինչպես և որ դաշինքների կազմում է ապահովելու սեփական անվտանգությունը: Ամեն դեպքում Ուկրաինայի ապագան գտնվում է եվրոպական ուղու հարթությունում»:
