Հռոմի պապը պատարագ է մատուցելու Հայոց ցեղասպանության 100-րդ տարելիցի կապակցությամբ
Prensa Armenia լրատվական գործակալության փոխանցմամբ` Հռոմի պապ Ֆրանցիսկոսը պատարագ է մատուցելու Հայոց ցեղասպանության 100-րդ տարելիցի կապակցությամբ: Դա իրականացվելու է 2015 թվականի ապրիլի 12-ին, Վատիկանում գտնվող Սուրբ Պետրոսի տաճարում:
Այս մասին հայկական կաթոլիկ եկեղեցում կատարած պատարագի ժամանակ հայտարարել է Բուենոս Այրեսի արքեպիսկոպոս, կարդինալ Մարիո Պոլին: Եկեղեցու քահանա Պաբլո Հաքիմյանն իր հերթին հայտարարել է, որ Հռոմի պապը պատասխանել է պատրիարք Ներսես Պետրոս XIX-ի միջոցով Հայ կաթոլիկ եկեղեցու կողմից նախորդ տարվա հունիսին արված հրավերին:
