Նախիջևանում տեղի է ունեցել Թուրքիայի ու Ադրբեջանի պաշտպանության նախարարների հանդիպումը
Axar.az-ի փոխանցմամբ` Թուրքիայի պաշտպանությաննախարար Իսմեթ Յըլմազն այսօր պաշտոնական այցով ժամանել է Նախիջևան: Ադրբեջանի ՊՆ-ի կայքի հաղորդմամբ` Նախիջևանի միջազգային օդանավակայանում Յըլմազին դիմավորել է Ադրբեջանի պաշտպանության նախարար, գեներալ-գնդապետ Զաքիր Հասանովը:
Հանդիպման ժամանակ Հասանովը հայտարարել է, որ Ադրբեջանի ու Թուրքիայի միջև ռազմական համագործակցությունը հիմնվել է երկու երկրների միջև առկա «բարեկամական ու եղբայրական հարաբերությունների» հիման վրա, որոնց զարգացումն օգտակար է երկու երկրների համար:
Հանդիպման ժամանակ քննարկվել են երկկողմ հարաբերություններին առնչվող հարցեր և տարածաշրջանային խնդիրներ: Հանդիպմանը ներկա է գտնվել նաև Ադրբեջանում Թուրքիայի դեսպան Իսմայիլ Ալփեր Ջոշքունը:
