Վրաստանի, Թուրքիայի ու Ադրբեջանի պաշտպանության նախարարների եռակողմ հանդիպումը Նախիջևանում կանցկացվի վաղը
Вестник Кавказа-ի փոխանցմամբ` Վրաստանի, Թուրքիայի ու Ադրբեջանի պաշտպանության նախարարներ Իրակլի Ալասանիայի, Իսմեթ Յըլմազի ու Զաքիր Հասանովի եռակողմ հանդիպումը Նախիջևանում կանցկացվի ոչ թե այսօր, այլ` վաղը:
Այս մասին հայտնել է ադրբեջանական Новости-Азербайджан լրատվական գործակալությունը: Պաշտպանության նախարարներն արդեն իսկ գտնվում են Նախիջևանում:
Նրանք քննարկելու են ռազմական դրության ժամանակ կոմունիկացիոն ենթակառուցվածքների պաշտպաննության առնչվող հարցեր: Դա մասնավորապես վերաբերում է նավթամուղերի, գազամուղերի, երկաթուղու, կապի և ռազմավարական կարևորություն ունեցող այլ օբյեկտների պաշտպանությանը:
Հիշեցնենք, որ արդեն իսկ տեղի է ունեցել Հասանով-Ալասանիա երկկողմ հանդիպումը:
