ԱՄՆ-ում ստուգման են ենթարկվում գյուլենական դպրոցները
Haqqin.az պորտալի փոխանցմամբ` ԱՄՆ-ի հինգ նահանգներում` Արիզոնա, Լուիզանա, Փենսիլվանիա, Թեքսաս ու Նյու Ջերսի, հետաքննություն է սկսվել իսլամական հասարակական գործիչ Ֆեթհուլլահ Գյուլենի դպրոցների ֆինանսական գործունեության նկատմամբ: Այս մասին հայտնել են ամերիկյան պարբերականները:
Նրանց հաղորդմամբ` հետաքննությունն իրականացնում է Հետաքննությունների դաշնային բյուրոն (FBI): Բացի այդ, ԱՄՆ Կալիֆորնիա նահանգում սկսել են աուդիտ իրականացնել տեղի գյուլենական դպրոցներում: Ադրբեջանում տարեսկզբին արգելել են գյուլենական դպրոցների, միջազգային կրթական կենտրոնի գործունեությունը:
