Սաակաշվիլին ցինիզմ է համարել պետմիջոցները վատնելու մեջ իրեն մեղադրելը
Грузия Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին ցինիզմ է համարում պետմիջոցները վատնելու մեջ իրեն մեղադրելը:
Սաակաշվիլու փաստաբան Օտար Կախիձեն հայտարարել է, որ քաղաքական գործիչը հեռախոսազրույցի ժամանակ ընդգծել է, որ «ներկայումս բյուջեն չի կատարվել 700 միլիոնով, պարտքն աճել է մինչև 1 միլիարդ և 700 միլիոնի, և առաջին տարին է, երբ չի գրանցվում թոշակի աճ»:
Սրանից առաջ Վրաստանի Գլխավոր դատախազությունը հայտարարել էր, որ Սաակաշվիլին երկրի նախագահ եղած ժամանակ պետբյուջեից վատնել է ավելի քան 8.8 միլիոն լարի (մոտ 5 միլիոն դոլար): Դրա հաստատման դեպքում Սաակաշվիլուն սպառնում է 7-11 տարվա ազատազրկում:
