Վերջին երկու շաբաթվա ընթացքում գրեթե կրկնակի աճել է ուկրաինական հակամարտության զոհերի թիվը
Բրիտանական Reuters լրատվական գործակալության փոխանցմամբ՝ Ուկրաինայում հակամարտության հետևանքով զոհերի թիվը հասել է մինչև 2086 մարդու: Վերջին երկու շաբաթվա ընթացքում զոհերի թիվն աճել է գրեթե կրկնակի: Այս տվյալները ներկայացրել է ՄԱԿ-ը:
Եթե 2014 թվականի հուլիսի 26-ին զոհերի թիվը կազմում էր 1129 մարդ, ապա օգոստոսի 10-ի դրությամբ այդ թիվն արդեն իսկ հասել է 2086-ի: Ապրիլի կեսին Ուկրաինայի արևելքում մեկնարկած հակաահաբեկչական գործողության սկսվելուց հետո մինչև օգոստոսի 10-ն ընկած ժամանակահատվածում վիրավորվել է մոտ 5000 մարդ:
