Անհրաժեշտության դեպքում խորհրդակցում ենք Զաքիր Հասանովի հետ. Նեջդեթ Օզել
Ադրբեջանական APA լրատվական գործակալության փոխանցմամբ՝ Թուրքիայի զինված ուժերի Գլխավոր շտաբի պետ, բանակի գեներալ Նեջդեթ Օզելը հայտարարել է, որ իրենք հետևում են Հայաստանի ու Ադրբեջանի միջև կատարվող անցուդարձերին: Օզելն ափսոսանք է հայտնել ադրբեջանական բանակի կորուստների համար:
Նա հայտարարել է, որ Թուրքիայում բուժում ստացող ադրբեջանցի վիրավոր զինծառայողները գտնվում են բժիշկների մշտական հսկողության տակ: Օզելը հավելել է, որ անհրաժեշտության դեպքում նամակագրություն է հաստատում և խորհրդակցում Ադրբեջանի պաշտպանության նախարար Զաքիր Հասանովի հետ:
