Մերկելը կողմ է ուկրաինական ճգնաժամի շուրջ Պուտինի հետ բանակցությունները շարունակելուն
Deutsche Welle-ի փոխանցմամբ՝ Գերմանիայի կանցլեր Անգելա Մերկելը հանդես է եկել ուկրաինական ճգնաժամի կարգավորման հարցով Ռուսաստանի նախագահ Վլադիմիր Պուտինի հետ բանակցությունները շարունակելու օգտին.
«Ես ձգտում եմ անել այնպես, որ չնայած պատժամիջոցներին՝ կորստյան չմատնվի Ռուսաստանի նախագահի հետ զրուցելու թելը: Ես մշտապես հանդես եմ եկել Մոսկվայի հետ կառուցողական համագործակցության օգտին և պատրաստ եմ շարունակել այն նաև ապագայում:
Պետության տարածքային անկախության պահպանումն ու միակողմանի սահմանները փոխելու անհնարինությունը եվրոպական գլխավոր պայմանավորվածություներն են»:
