Որո՞նք են աշխարhի ամենատպավորիչ շինությունները (լուսանկարներ)

AdMe.ru-ն կազմել է աշխարհի ամենատպավորիչ շինությունների ցուցակը: Այդ շենքերից մի քանիսի կառուցման համար տասնամյակներ եւ անգամ դարեր են պահանջվել, մյուսների համար` մի քանի տանի: Սակայն դրանց բոլորին միավորում է բացառիկ ճարտարապետությունը, ինչը նրանց դարձնում է իրենց երկրի եւ աշխարհի հայտնի տեսարժան վայրերից մեկը:

Դուբայի Բուրջ Խալիֆա համալիրը

Նախագծվել է` որպես աշխարհի ամենաբարձր շինություն: Այստեղ տեղակայված են հյուրանոցներ, գրասենյակներ, առեւտրային կենտրոններ:

Պեկինի կատարողական արվեստի ազգային կենտրոնը

Այս հսկա ֆուտուրիստական կառույցը, որը օպերային թատրոն է, նաեւ «ձու» են անվանում:

Միլանի տաճարը

Եվրոպայում սպիտակ մարմարից միակ գոթական տաճարի կառուցումը մի քանի դար է տեւել` հիմքը փորվել է 1386 թվականին, շինարարությունն ավարտվել է 1965 թվականին:

Վասիլի Երանելու տաճարը

Այն վաղուց դարձել է Մոսկվայի խորհրդանիշը:

Պեկինի ազգային մարզադաշտը

«Թռչնի բույն» կոչվող մարզադաշտը կառուցվել է 2008թ. ամառային օլիմպիական խաղերի անցկացման համար եւ դարձել աշխարհի ամենահայտնի տեսարժան վայրերից:

Կամբոջայի Անգկոր-Վատ տաճարը

Հսկայական տաճարային համալիրը կառուցվել է XII դարում:

Սիդնեյի օպերային թատրոնը

Այս շենքում են տեղակայված օպերան, թատրոնը, սիմֆոնիկ նվագախումբը:

Կիոտոյի Կինկակու-ձի տաճարը

Ողջ տաղավարը, բացի ստորին հարկից, պատված է մաքուր ոսկով, այդ իսկ պատճառով կոչվում է «Ոսկե տաճար»: Այն ստեղծվել է XIV դարի վերջին:

Նորմանդիայի Մոն Սեն Միշել ուխտավայրը

Ամրոցի վերածված այս կղզին Եվրոպայի ամենագլխավոր ուխտավայրերից է:

Լոնդոնյան Լլոյդ կենտրոնը

Սա խոշոր ապահովագրական կորպորացիայի հսկայական գրասենյակն է: Առանձնահատկությունն այն է, որ աստիճանները, ապակյա վերելակները շենքի դրսից են:

Բիլբաոյի Գուգենհայմի թանգարանը

Ժամանակակից արվեստի թանգարանը, որը տեղակայված է ծովափին եւ ֆուտուրիստական նավի գաղափար է արտահայտում, կառուցումից անմիջապես հետո դարձել է աշխարհի ամենաշատ այցելվող վայրերից: