ՌԴ-ն ու Եգիպտոսը պայմանավորվել են ընդլայնել ռազմատեխնիկական համագործակցությունը
Ռուսական ИТАР-ТАСС լրատվական գործակալության փոխանցմամբ՝ Ռուսաստանն ու Եգիպտոսը պայմանավորվել են ընդլայնել երկու երկրների միջև ռազմատեխնիկական համագործակցությունը:
Այս մասին Եգիպտոսի նախագահ Աբդել Ֆաթթահ ալ-Սիսիի հետ բանակցություններից հետո հայտարարել է Ռուսաստանի նախագահ Վլադիմիր Պուտինը:
Պուտինի խոսքերով՝ Ռուսաստանն ու Եգիպտոսն ուսումնասիրում են ազատ առևտրի գոտի ստեղծելու հնարավորություները: Պուտինն ընդգծել է, որ իրենք պայմանավորվել են, որ Եգիպտոսը փոխգործակցելու է Մաքսային միության հետ:
Պուտինը հավելել է, որ Եգիպտոսը պատրաստ է մոտ ժամանակներս 30 տոկոսով մեծացնել Ռուսաստանին գյուղմթերքի մատակարարումները: Դրա հետ կապված՝ կողմերը պայմանավորվել են դյուրացված ռեժիմ սահմանել ռուսական շուկայում եգիպտական ապրանքների հայտնվելու համար:
