Իրանի ու «Վեցյակի» միջև բանակցությունները կվերսկսվեն սեպտեմբերի վերջերին
Ռուսական ИТАР-ТАСС լրատվական գործակալության փոխանցմամբ՝ Իրանի ու «Վեցյակի» միջև բանակցային հերթական փուլը քաղտնօրենների մակարդակով կանցկացվի Նյու Յորքում: Այս մասին գործակալությանը հայտնել է «Վեցյակի» պատվիրակություններից մեկին մոտ կանգնած նրա աղբյուրը:
Աղբյուրն ընդգծել է, որ հարթակը հստակեցված է վերջնականապես, խորհրդակցությունները պլանավորված է վերսկսել սեպտեմբերի 20-ի կողմերը: Ավելի վաղ Իրանն ու «Վեցյակը» պայմանավորվել էին իրանական միջուկային ծրագրի շուրջ համապարփակ համաձայնագիր ստորագրել մինչև նոյեմբերի 24-ը:
