Ուորլիքը գոհունակություն է հայտնել Սոչիում Հայաստանի ու Ադրբեջանի նախագահների հանդիպման արդյունքների կապակցությամբ
Ադրբեջանական APA լրատվական գործակալությանը տված հարցազրույցի ժամանակ ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ իրենց ոգևորել է օգոստոսի 10-ին Սոչիում տեղի ունեցած Հայաստանի ու Ադրբեջանի նախագահների հանդիպումը, որում քննարկվել է Ղարաբաղյան հակամարտության կարգավորումը:
Ջեյմս Ուորլիքը գոհունակություն է հայտնել, որ երկու երկրների նախագահները հաստատել են հակամարտությունը խաղաղ ճանապարհով կարգավորելու և երկխոսությունը շարունակելու մասին իրենց պարտավորությունները.
«Մենք հուսով ենք, որ շփման գծում իրավիճակը կկայունանա, և կողմերը կցուցաբերեն քաղաքական կամք և հակամարտության կարգավորման ուղիների փնտրտուքի հարցում կհամագործակցեն Մինսկի խմբի համանախագահների հետ»:
