ԱՄՆ-ում ստեղծվում է աշխարհի խոշորագույն էներգետիկ ընկերություններից մեկը
Ուկրաինական UNIAN լրատվական գործակալության փոխանցմամբ՝ ամերիկյան Kinder Morgan էներգետիկ խոշոր կորպորացիան, որը տիրում է ԱՄՆ-ի ու Կանադայի նավթամուղերին ու գազամուղերին, իր վերահսկողության տակ գտնվող ակտիվները միավորելու է մեկ ընկերության մեջ:
Այս մասին հայտարարել է կորպորացիայի ղեկավար Ռիչարդ Կինդերը. «Այդ միավորումը կդառնա էներգետիկ ենթակառուցվածքների ոլորտում Հյուսիսային Ամերիկայի խոշորագույն ընկերությունը և իր մեծությամբ կհանդիսանա երրորդ խոշոր էներգետիկ ընկերությունը»:
Վերլուծաբանների գնահատմամբ՝ նոր կառույցի արժեքը կազմելու է մոտ 140 միլիարդ դոլար: Ներկա դրությամբ նրան պատկանող նավթամուղերի ու գազամուղերի ընդհանուր երկարությունը կազմում է գրեթե 130.000 կիլոմետր:
