Նորվեգիան կարող է միանալ ՌԴ-ի դեմ սահմանված արևմտյան պատժամիջոցներին
Эхо Москвы ռադիոկայանի փոխանցմամբ՝ Նորվեգիան կարող է միանալ Ռուսաստանի դեմ սահմանված արևմտյան պատժամիջոցներին: Բացառված չէ, որ դա տեղի կունենա այդ երկրի կառավարության ու խորհրդարանի խորհրդակցությունների հետո:
Նորվեգիայի իշխանությունները հայտնվել են բավական բարդ իրավիճակում: ԵՄ-ի անդամ չհանդիսացող Նորվեգիան համաձայն է Ուկրաինայի հարցում ԵՄ-ի դիրքորոշման հետ և ցայժմ աջակցել է Ռուսաստանի դեմ պատժամիջոցներ սահմանելուն:
Սակայն Ռուսաստանի կողմից սննդամթերքի ներկրման վրա բեռնարգելք դնելը կարող է Օսլոյին հարկադրել՝ վերանայելու համար նման համերաշխության հանդեպ իր մոտեցումները: Ձկնամթերքի մատակարարման վրա դրված արգելքը Նորվեգիայում արդեն իսկ հանգեցրել է ծովամթերք արտադրողների բաժնետոմսերի գնանկմանը: Ռուսաստանը Նորվեգիայից տարեկան ներկրում է 1 միլիարդ եվրոյի ապրանքներ:
