Իրաքի վարչապետը երկրի նախագահին մեղադրել է Իրաքի Սահմանադրությունը խախտելու մեջ
Բրիտանական Reuters լրատվական գործակալության փոխանցմամբ՝ Իրաքի վարչապետ Նուրի ալ-Մալիքին երկրի նախագահ, էթնիկ քուրդ Ֆուադ Մասոմին մեղադրել է Իրաքի Սահմանադրությունը խախտելու մեջ:
Նրա կարծիքով՝ Իրաքի նախագահը ձգձգում է վարչապետի թեկնածության առաջադրումը՝ դրանով իսկ խախտելով երկրի հիմնական օրենքը: Մալիքին մտադիր է երրորդ անգամ գլխավորել Իրաքի կառավարությունը:
Նա ընդգծել է, որ պաշտոնական բողոք է հղել դաշնային դատարան՝ կապված նախագահի կողմից հանրապետության Սահմանադրության խախտման հետ: Մալիքիի ելույթից հետո նրա հանդեպ բարյացակամ տրամադրված զորքերը տեղակայվել են Բաղդադի ռազմավարական գոտիներում:
