Հայաստանի, Ադրբեջանի ու Ռուսաստանի նախագահների եռակողմ հանդիպումը Սոչիում կանցկացվի վաղը
Haqqin.az պորտալի փոխանցմամբ` Ադրբեջանի նախագահի աշխատակազմի՝ արտաքին կապերի բաժնի պետ Նովրուզ Մամեդովը հայտարարել է, որ Ռուսաստանի նախագահի մասնակցությամբ Հայաստանի ու Ադրբեջանի նախագահների հանդիպումը տեղի կունենա վաղը:
Այս մասին Մամեդովը գրել է Twitter-ի իր միկրոբլոգում: Նա հավելել է, որ այսօր տեղի կունենա Իլհամ Ալիևի ու Վլադիմիր Պուտինի երկկողմ հանդիպումը, որի ժամանակ կքննարկվեն համագործակցության ընդլայնմանն առնչվող հարցեր:
Հայաստանի ու Ադրբեջանի նախագահների վերջին հանդիպումը տեղի է ունեցել նախորդ տարվա նոյեմբերի 19-ին, Վիեննայում:
