Կանադան առաքելություն է ուղարկել Արկտիկա` երկրի տարածքն ընդլայնելու համար
BBC-ի փոխանցմամբ`Կանադան առաքելություն է ուղարկել Արկտիկա` կազմելու համար ծովի հատակի քարտեզը, որի օգնությամնբ երկիրը կարող է հավակնել իր տարածքի ընդլայնմանը:
Երկու սառցահատ դուրս են եկել Նյուֆաունդլենդ նավահանգստից և առաջ են շարժվել ստորջրյա լեռնաշղթայի ուղղությամբ, որն Էլսմիր կղզուց ձգվում է դեպի Հյուսիսային բևեռ: Համարվում է, որ տվյալ գոտու ընդերքում գտնվում է նավթի չհետախուզված պաշարների 13 տոկոսը և գազի չհայտնաբերված պաշարների 30 տոկոսը:
2013 թվականի դեկտեմբերին Կանադան դիմել էր ՄԱԿ-ին` խնդրելով վերանայել Ատլանտյան օվկիանոսում երկրի սահմանները: Նման պահանջների մասին հայտարարել էին նաև Ռուսաստանը, Նորվեգիան ու Դանիան:
