Պուտինը Սարգսյանի ու Ալիևի հետ Սոչիում կհանդիպի վաղը. Կրեմլ
Kremlin.ru կայքի փոխանցմամբ՝ օգոստոսի 9-ին Սոչիում տեղի են ունենալու Հայաստանի նախագահ Սերժ Սարգսյանի ու Ադրբեջանի նախագահ Իլհամ Ալիևի հետ Ռուսաստանի նախագահ Վլադիմիր Պուտինի երկկողմ հանդիպումները:
Ալիևի հետ զրույցում պլանավորված է քննարկել ռուս-ադրբեջանական համագործակցության առավել կարևոր հարցերը, համաձայնեցնել առաջին հերթին էներգետիկ, ներդրումային և միջտարածաշրջանային համագործակցության փոխշահավետ, հեռնակարային նախագծերի առաջխաղացման ուղղությամբ համատեղ քայլերը:
Սարգսյանի հետ հանդիպման ժամանակ քննարկվելու են երկու երկրնրի միջև քաղաքական, առևտրա-տնտեսական և հումանիտար փոխգործակցության հետագա զարգացմանն առնչվող հարցեր: Հատուկ ուշադրություն է հատկացվելու Եվրասիական տնտեսական միության մասին պայմանագրին Հայաստանի միանալու գործընթացին:
