Զինվորական փոխադրամիջոցի պայթյունի հետևանքով վիրավորվել է ադրբեջանցի երեք զինծառայող
Axar.az-ի փոխանցմամբ՝ երեկ երեկոյան առաջնագծում վիրավորվել է ադրբեջանցի 3 զինծառայող, որոնց ուղղաթիռով տեղափոխել են հոսպիտալ: Առկա տեղեկությունների համաձայն, զինծառայողների անփութության պատճառով վառելանյութ տեղափոխող զինվորական փոխադրամիջոցում հրդեհ է բռնկվել:
Այն հանգեցրել է պայթյունի, ինչի հետևանքով վիրավորվել են երեք զինծառայողներ, որոնցից մեկն Էլմեդդին Աբդուլաևն է: Մյուս երկու զինծառայողների անունները չեն հրապարակվել: Հոսպիտալից հայտնել են, որ զինծառայողներին կյանքին վտանգ չի սպառնում:
