Վրաստանի վարչապետն այս տարի չի գնա արձակուրդ և կշարունակի ծանրաբեռնված ռեժիմով աշխատանքը
Новости-Грузия լրատվական գործակալության փոխանցմամբ՝ Վրաստանի վարչապետ Իրակլի Գարիբաշվիլին ծանրաբեռնված աշխատանքային գրաֆիկի պատճառով ընթացիկ տարում չի գնա արձակուրդ: Այս մասին հայտնել է կառավարության ղեկավարի մամլո ծառայության ներկայացուցիչը:
Վերջինիս հաղորդմամբ՝ Գարիբաշվիլին կշարունակի նախկին, ծանրաբեռնված աշխատանքային ռեժիմով աշխատանքը: Գարիբաշվիլին Վրաստանի վարչապետ է դարձել 2013 թվականի նոյեմբերին՝ նորընտիր նախագահ Գեորգի Մարգվելաշվիլու երդմնակալությունից քիչ անց:
Ախատանքային օրենսգրքի համաձայն, Վրաստանում արձակուրդի իրավունք է տրվում ինչպես պետական սեկտորում, այնպես էլ մասնավոր ընկերությունում 11 ամիս աշխատելուց հետո, սակայն այդ ժամկետը կարող է կրճատվել գործատուի ու աշխատողի միջև համապատասխան պայմանավորվածության առկայության դեպքում:
