Մեդվեդևը «ցինիզմ» է որակել ռուսական սահմանափակումների վերաբերյալ Արևմուտքի արձագանքը
Lenta.ru-ի փոխանցմամբ՝ Ռուսաստանի վարչապետ Դմիտրի Մեդվեդևը «ցինիզմ» է որակել ռուսական սահմանափակումներին Արևմուտքի արձագանքը: Մեկնաբնելով այն լուրը, որ ԵՄ-ը ցավում է ընդունված սահմանափակիչ միջոցների կապակցությամբ և կարծում է, որ ԵՄ-ի արտադրողների դեմ պատժամիջոցները քաղաքական են՝ Մեդվեդևը Facebook-ի իր էջում գրել է. «Ցինիզմը չունի սահմաններ»:
Ավելի վաղ Եվրահանձնաժողովի ներկայացուցիչ Ֆրեդերիկ Վենսանը հատարարել էր, որ Ռուսաստանը պատասխան միջոցներ է ձեռնարկելով՝ առաջնորդվելով քաղաքական դրդապատճառներով: Սրանից առաջ հաղորդվել էր, որ ռուսական բեռնարգելքի պատճառով ԵՄ-ի վնասը կարող է հասնել 12 միլիարդ եվրոյի:
