Պորոշենկոն ընդունել է Պարուբիի հրաժարականը
ZN.UA-ի փոխանցմամբ՝ Ուկրաինայի նախագահ Պյոտր Պորոշենկոն պաշտոնապես ընդունել է Ազգային անվտանգության ու պաշտպանության խորհրդի քարտուղարի պաշտոնից Անդրեյ Պարուբիի հրաժարականը:
Պորոշենկոն չի հայտնել, թե տվյալ պաշտոնում ով է փոխարինելու Պարուբիին: Պորոշենկոն կատարած աշխատանքի համար շնորհակալություն է հայտնել Պարուբիին: Վերջինս անձամբ հաստատել է իր հրաժարականը, սակայն չի ներկայացրել դրա պատճառները:
Պարուբին հայտարարել է, որ մտադիր է շարունակել զբաղվել հակաահաբեկչական գործողությամբ, առաջին հերթին կամավոր գումարտակների մարտիկների հետ: Պորոշենկոն հայտարարել է, որ Պարուբին մնում է նախագահի թիմում:
