Կարմիր Խաչի աշխատակիցները հանդիպել են Ադրբեջանում պահվող հայ գերիների հետ
Ռուսական Regnum լրատվական գործակալության փոխանցմամբ՝ Կարմիր Խաչի միջազգային կոմիտեի (ԿԽՄԿ) ադրբեջանական ներկայացուցչության աշխատակիցներն այցելել են Ադրբեջանում գերության մեջ պահվող Հակոբ Ինջիղուլյանին ու 5 քաղաքացիական անձանց՝ մեկ ընտանիքի անդամներին:
Այս մասին հայտարարել է ԿԽՄԿ-ի ադրբեջանական ներկայացուցչության՝ հասարակության հետ կապերի բաժնի պետ Իլահա Հուսեյնովան, ըստ որի՝ այցը տեղի է ունեցել օգոստոսի 6-ին: Կոմիտեի միջոցով գերիներն ու նրանց ընտանիքները փոխանակվել են տեղեկություններով:
Հայ ռազմագերի Հակոբ Ինջիղուլյանն ադրբեջանական կողմին գերի է ընկել 2013 թվականի օգոստոսի 7-ի լույս 8-ի գիշերը:
