Ֆրանսիան ափսոսանք է հայտնել Արիֆ Յունուսի կալանավորման կապակցությամբ
Ադրբեջանական Turan լրատվական գործակալության փոխանցմամբ՝ Ֆրանսիան ափսոսանք է հայտնել ադրբեջանցի հանրահայտ կոնֆլիկտաբան Արիֆ Յունուսի կալանավորման կապակցությամբ: Այս մասին նշված է Ֆրանսիայի ԱԳՆ-ի մամլո ծառայության տարածած հայտարարությունում:
Այն գործակալությանը տրամադրել է Բաքվում Ֆրանսիայի դեսպանատունը: Հայտարարությունում ընդգծվում է, որ Ֆրանսիան մշտապես հավատարիմ է գտնվելու և հարգանք է ցուցաբերելու մարդու իրավունքներին:
Իրավապաշտպան Լեյլա Յունուսի ամուսին Արիֆ Յունուսին 3 ամսով կալանքի տակ են վերցրել օգոստոսի 5-ին: Նրան մեղադրում են պետական դավաճանության ու մեքենայությունների մեջ:
