Բաղդադում գրանցված ահաբեկչությունների հետևանքով զոհվել է առնվազն 47 մարդ
Al-Jazeera հեռուստաալիքի փոխանցմամբ՝ Բաղդադում գրանցվել են մի շարք ահաբեկչություններ, որոնց հետևանքով ոհվել է առնվազն 47 և վիրավորվել է մոտ 60 մարդ: Հեռուստաալիքի տվյալներով՝ երեկ երեկոյան ժամերին Իրաքի մայրաքաղաքի տարբեր շրջաններում գրանցվել է 4 պայթյուն:
Պայթուցիկով լեցուն ավտոմեքենաները պայթել են Բաղդադի՝ գերազանցապես շիաբնակ թաղամասերում: ՄԱԿ-ի տվյալներով՝ միայն հուլիսին Իրաքում ահաբեկչությունների հետևանքով զոհվել է 900 մարդ: Հունվար-հունիս ամիսներին Իրաքում սպանվել է 5500 և վիրավորվել է 12.000 մարդ:
