Վրաստանը հուսով է, որ Սարգսյանն ու Ալիևը պայմանավորվածության կգան Սոչիում
Грузия Online-ի փոխանցմամբ՝ Վրաստանի առաջին փոխարտգործնախարար Դավիթ Զալակալիանին վստահ է, որ Հայաստանն ու Ադրբեջանը կարող են կարգավորել հակամարտային իրավիճակը: Զալկալիանին նման կերպ է մեկնաբանել հարևան երկու երկրների միջև հարաբերությունների սրումը.
«Մեր շահերից չի բխում տարածաշրջանում լարվածության ևս մեկ օջախի առաջացումը: Սակայն ես վստահ եմ, որ մեր հարևանները կգտնեն ճգնաժամային այդ իրավիճակից դուրս գալու ելքը: Ես վստահ եմ, որ այս շաբաթվա վերջին (Սոչիում) նշանակված հանդիպումը կունենա հաջողություն»:
