Ազատամարտի վետերանների միությունը դիմել է ՊՆ-ին. Ցանկանում են սահման մեկնել
Հայաստանի Ազատամարտի վետերանների միությունը հայտարարություն է տարածել, որում տեղեկացնում է, որ դիմել է ՀՀ պաշտպանության նախարարությանը՝ կամավորական խմբերով մեկնելու սահման եւ հերթապահություն իրականացնելու թույլտվություն ստանալու համար: «Նկատի ունենալով վերջին շրջանում ՀՀ եւ ԼՂՀ սահմանների շփման գոտում, հակառակորդի կողմից իրականացվող ոտնձգությունների ակտիվացումը ՀՀ եւ ԼՂՀ սահմանամերձ շրջաների անվտանգության ապահովման նպատակով ԱՎՄ իր պատրաստակամությունն է հայտնում կամավորական հիմունքներով` թվով 350-400 ազատամարտիկներով, ՀՀ Տավուշի մարզում երթ կազմակերպելու եւ հերթապահություն իրականացնելու նպատակով»,- ասված է հայտարարության մեջ:
