ՄԱԿ-ի գլխավոր քարտուղարը հայտարարություն է տարածել ԼՂ-ի վերաբերյալ

Ռուսական РИА Новости լրատվական գործակալության փոխանցմամբ՝ ՄԱԿ-ի գլխավոր քարտուղար Բան Կի Մունը երեկ հայտարարություն է տարածել, որում Ղարաբաղյան հակամարտության կողմերին կոչ է արել պայմանավորվածության գալ հրադադարի մասին և զերծ մնալ բռնություններ գործադրելուց:

Մունը հակամարտող կողմերին կոչ է արել անհապաղ քայլեր ձեռնարկել իրավիճակի ապաէսկալացման ուղղությամբ և շարունակել երկխոսությունը՝ հակամարտության արագ, խաղաղ քաղաքական կարգավորմանը հասնելու համար:

Բան Կի Մունն իր լիակատար աջակցությունն է հայտնել ԵԱՀԿ Մինսկի խմբի ջանքերին՝ կիսելով վերջին օրերին հակամարտության գոտում լարվածության աճից բխող նրա մտահոգությունը: