Բաթումում կանցկացվեն թուրք-վրացական առափնյա պաշտպանության վարժանքներ
Грузия Online-ի փոխանցմամբ՝ երեկ Բաթումի նավահանգիստ է մուտք գործել Թուրքիայի Առափնյա պաշտպանության մոտորանավակը: Պատվիրակության հետ արդեն իսկ հանդիպել է Վրաստանի սահմանապահ ոստիկանության դեպարտամենտի ղեկավարությունը:
Վրաստանի սահմանապահ ոստիկանությունը հաղորդել է, որ վրացի և թուրք սահմանապահները 4 օրվա ընթացքում կիրականացնեն համատեղ վարժանքներ, կայցելեն Փոթիում գտնվող Առափնյա պաշտպանության բազա, ինչպես նաև կզննեն լողացող միջոցներն ու նավավերանորոգման կետերը:
Թուրքական մոտորանավակը Վրաստանի ծովային ջրատարածությունը կլքի օգոստոսի 7-ին:
