Ադրբեջանական բանակը կորցրել է ևս երկու զինծառայող
Ադրբեջանական APA լրատվական գործակալության փոխանցմամբ՝ ադրբեջանական բանակում գրանցվել են հերթական զինված միջադեպերը, որոնցից մեկը տեղի է ունեցել Բեյլագանի շրջանի զորամասում:
1992 թվականին ծնված զինծառայող Ջավիդ Ջալիլօղլու Մամեդովն իրեն ամրակցված զենքից անզգուշաբար կրակել է իր վրա (ադրբեջանական մամուլը գրեթե մշտապես նման դեպքերը չի ներկայացնում որպես ինքնասպանություն – 168.am):
Ստացած վերքից Մամեդովը մահացել է: Նույն կերպ մահացել է 19-ամյա զինծառայող Սամեդով Մուրադ Մահիրօղլուն (նա նույնպես «անզգուշաբար» կրակել է իր վրա): Ադրբեջանի ՊՆ-ի մամլո ծառայությունը հաստատել է տվյալ փաստերը: Զինդատախազությունը տվյալ փաստով հարուցել է քրեական գործ, տարվում է հետաքննություն:
