Էրդողանն ու Ալիևը քննարկել են շփման գծում տիրող իրավիճակը
Ադրբեջանական Trend լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը երեկ հեռախոսազրույց է ունեցել Ադրբեջանի նախագահ Իլհամ Ալիևի հետ, որի ժամանակ իր խորին ցավակցություններն է հայտնել շփման գծում ադրբեջանցի զինծառայողների զոհվելու կապակցությամբ:
Էրդողանն ընդգծել է, որ խորապես վշտացած է ադրբեջանցի զինծառայողների զոհվելու կապակցությամբ, և թուրք ժողովրդի անունից ցավակցել է Ադրբեջանի նախագահին, ժողովրդին ու զոհվածների հարազատներին: Հեռախոսազրույցի ժամանակ Ալիևն Էրդողանին իրազեկել է վերջին օրերին շփման գծում ստեղծված իրավիճակը:
Հիշեցնենք, որ սրանից առաջ էլ Թուրքիայի արտգործնախարար Ահմեթ Դավութօղլուն էր ցավակցություն հայտնել շփման գծում ադրբեջանցի զինծառայողների զոհվելու կապակցությամբ:
