Ալիևը մեծ հույսեր է կապում Օբամայի հետ` կապված Ղարաբաղյան հակամարտության կարգավորման հետ
Azer Tag-ի փոխանցմամբ` Ադրբեջանի նախագահ Իլհամ Ալիևը շնորհավորական նամակ է հղել ԱՄՆ նախագահ Բարաք Օբամային, ով վաղը դառնալու է 53 տարեկան: Նամակում Ալիևը գրել է, որ իրենք գոհ են ԱՄՆ-ի ու Ադրբեջանի միջև համագործակցության ու բարեկամական հարաբերությունների ներկայիս մակարդակի կապակցությամբ:
Ալիևն ընդգծել է, որ երկու երկրներն ակտիվորեն միմյանց հետ համագործակցում են գլոբալ սպառնալիքների, ահաբեկչության դեմ պայքարի, հակամարտության օջախներում խաղաղապահ առաքելությունների, Եվրոպայի էներգետիկ անվտանգության ապահովման ոլորտներում:
Ալիևը նշել է, որ իրենք մեծ հույսեր են կապում Ղարաբաղյան հակամարտության կարգավորման ուղղությամբ ԵԱՀԿ Մինսկի խմբում համանախագահող երկիր ԱՄՆ-ի և անձամբ Օբամայի ջանքերի հետ:
