Նիստը հետաձգվեց. Դատավորը մեկ այլ գործով խորհրդակցական սենյակում էր
Երևանի Շենգավիթ վարչական շրջանի ընդհանուր իրավասության դատարանում այսօր նշանակված էր Արտակ Ղուկասյանի գործով դատական նիստը: Հիշեցնենք, որ Ա. Ղուկասյանը մեղադրվում է խարդախության, յուրացման, ինչպես նաև ակնհայտ կեղծ փաստաթուղթ օգտագործելու մեջ. նա գիտությունների թեկնածու է, աշխատել է ՀՀ պետական եկամուտների կոմիտեում:
Դատական նիստը, սակայն, տեղի չունեցավ: Նիստերի քարտուղարը հայտնեց, որ նախագահող դատավորը մեկ այլ գործով խորհրդակցական սենյակում է:
Հաջորդ դատական նիստը նշանակվել է օգոստոսի 12-ին:
