Ըստ Արսեն Ղազարյանի՝ արևմտյան պատժամիջոցները «Գազպրոմ-բանկի» և «ՎՏԲ» բանկի վրա չեն ազդի
Արևմտյան պատժամիջոցների տակ հայտնված ռուսական «Գազպրոմ-բանկի» և «ՎՏԲ» բանկի հայաստանյան մասնաճյուղերը ՀՀ իրավաբանական անձինք են, գործում են Հայաստանում, շահույթ ստանում են Հայաստանում, և պատժամիջոցները նրանց վրա չպետք է ազդեն: Նման տեսակետ այսօր լրագրողների հետ ճեպազրույցում հայտնեց Հայաստանի Արդյունաբերողների և գործարարների միության նախագահ Արսեն Ղազարյանը:
«Իսկ թե ինչ կլինեն ԱՄՆ կառավարության և եվրոհամայնքի սանկցիաները, դա հետագայում կերևա»,- ասաց Ղազարյանը՝ հավելելով, որ հայ գործարարները չեն սառեցրել հարաբերությունները ռուսական գործընկերների հետ, մտահոգություններ չունեն և շարունակում են աշխատել:
Հիշեցնենք, որ Հայաստանում ԱՄՆ դեսպանատունը Հայաստանի կառավարությանը և բիզնես կառույցներին տեղեկացրել է պատժամիջոցների ներքո գտնվող ռուսական ընկերությունների հետ համագործակցությունից բխող ռիսկերի մասին և կոչ է արել բոլոր երկրներին և նրանց ռեզիդենտներին հաշվի առնել իրենց բարի համբավի հետ կապված ռիսկերը, որոնք առաջանում են (ռուսական) ընկերությունների և ֆիզիկական անձանց հետ համագործակցությունից, և դադարեցնել բոլոր գործարքները, որոնք հակասում են իրականացվող պատժամիջոցներին:
Մանրամասները՝ տեսանյութում
