Ուգո Չավեսին հռչակել են Վենեսուելայի իշխող կուսակցության հավերժ առաջնորդ
Noticias24-ի փոխանցմամբ` Վենեսուելայի նախկին նախագահ Ուգո Չավեսը, ով մահացել է 2013 թվականի մարտին, նշանակվել է երկրում իշխող «Միասնական սոցիալիստական» կուսակցության հավերժ առաջնորդ: Նման որոշում է ընդունվել քաղաքական միավորման երրորդ համագումարում:
Դրան մասնակցել է 900 մարդ, որոնք բոլորն էլ կողմ են արտահայտվել Չվեսին կուսակցության հավերժ առաջնորդ հռչակելուն: Պետության ներկայիս ղեկավար Նիկոլաս Մադուրոն ընտրվել է կուսակցության նախագահ: Համագումարում դիտարկվելու է նաև դեռևս Չավեսի նախաձեռնած սոցիալական բարեփոխումների ծրագիրը:
Ընդգծվում է, որ Վենեսուելայի նախագահի պաշտոնում Մադուրոյի ընտրվելուց հետո երկրում ուժեղացել է տնտեսական ճգնաժամը:
