Վրաստանի խորհրդարանը վստահություն է հայտնել նոր կառավարությանը
Վրաստանի խորհրդարանն այսօր վստահություն է հայտնել կառավարության նորացված կազմին: Կողմ է քվեարկել 89 պատգամավոր՝ խորհրդարանական մեծամասնության անդամները, խորհրդարանական փոքրամասնության՝ նախկին նախագահ Միխայիլ Սաակաշվիլիի «Միասնական ժողովրդական շարժում» խմբակցության անդամները քվեարկությանը չեն մասնակցել, հաղորդում է «Газета.Ru»-ն:
Վարչապետ Իրակլի Գարիբաշվիլին դեռ շաբաթվա սկզբին հայտարարել էր նախարարների մի մասի փոփոխության մասին՝ դա բացատրելով կառավարության աշխատանքի արդյունավետության բարձրացման անհրաժեշտությամբ:
