ԵՄ-ը պատժամիջոցներ կկիրառի ևս 15 անձի ու 18 ընկերության նկատմամբ՝ կապված Ուկրաինայի հետ
Ուկրաինական UNIAN լրատվական գործակալության փոխանցմամբ՝ ԵՄ-ն Ուկրաինայում տիրող իրավիճակի կապակցությամբ պատժամիջոցներ կկիրառի ևս 15 անձի ու 18 ընկերության նկատմամբ: Այս մասին նշված է ԵՄ-ի Խորհրդի կայացրած որոշման մեջ, որը հրապարակվել է այսօր:
Դրանում նշված է, որ պատժամիջոցների տակ ընկած այդ անձինք ու կազմակերպությունները պատասխանատու են Ուկրաինայի տարածքային ամբողջականության դեմ գործողությունների համար:
Դրա համար որոշվել է սառեցնել նրանց ակտիվներն ու արգելել նրանց մուտքը ԵՄ-ի տարածք: Պատժամիջոցներն ուժի մեջ կմտնեն ԵՄ-ի պաշտոնական տեղեկագրում հրապարակվելուց հետո:
