Վրաստանում ցանկանում են ՊՆ-ի բյուջեն հաջորդ տարվանից մեծացնել 11 տոկոսով
Грузия Online-ի փոխանցմամբ՝ Վրաստանի պաշտպանության նախարար Իրակլի Ալասանիան մտադիր է բարձրացնել զինծառայողների աշխատավարձերը: Այս մասին Ալասանիան հայտարարել է Վրաստանի խորհրդարանի հանձնաժողովների լսումներում.
«Ցանկանում եմ հայտնել ձեզ, որ զինծառայողների համար դրամական միջոցներն աճել են 25 տոկոսով, մենք ցանկանում ենք այդ միտումը պահպանել նաև հետագայում: Կարծում եմ, որ այդ հարցում խորհրդարանի անդամների աջակցությունը երաշխավորված է մեզ»:
Ալասանիան չի բացառել, որ 2015 թվականին կմեծացվի ՊՆ-ի բյուջեն. «Մենք ցանկանում ենք նախարարության բյուջեն մեծացնել 11 տոկոսով և հուսով ենք ստանալ խորհրդարանի անդամների աջակցությունը»:
