Ապագայի սմարթֆոնները կունենան մեկ տերաբայթ հիշողություն
ZN.UA-ի փոխանցմամբ՝ ԱՄՆ Թեքսասի նահանգի Ռայսի համալսարանի գիտնականները ներկայացրել են RRAM-ի արտադրության տեխնոլոգիան, ինչը հնարավորություն կտա սմարթֆոնների ու պլանշետների հիշողությունը մեծացնել տասնյակ և նույնիսկ հարյուրավոր անգամ:
Խոսքը գնում է RRAM-ի տեսակներից մեկի մասին, որն ունի ավելի մեծ խտություն և էներգոսպառման ավելի ցածր մակարդակ, քան «սովորական հիշողության քարտի» պարագայում է: Ի հավելումն այդ ամենի՝ այն ավելի կոմպակտ է: Նամականիշի մեծության միկրոսխեմայում կարող է տեղավորվել մեկ տերաբայթ հիշողություն:
