Թուրքիայում գյուլենականների դեմ պայքարի շրջանակներում երկու օրում ձերբակալվել է ավելի քան 100 մարդ
Թուրքական Anadolu լրատվական գործակալության փոխանցմամբ՝ Թուրքիայում Ֆեթհուլլահ Գյուլենի շարժման համակիրների դեմ տարբեր նահանգներում իրականացվող գործողության արդյունքում ձերբակալվածների թիվը հասել է 103-ի: Թուրքիայի 22 նահանգում երեկ գյուլենականների դեմ սկսվել էր միաժամանակյա հատուկ գործողություն՝ միտված կադրային մաքրումներ իրականացնելուն:
Ձերբակալվածների թվում հայտնվել են նաև Ստամբուլի ոստիկանության նախկին ղեկավար Էրքան Էրչըքթըն և թուրքական հետախուզության ստամբուլյան մասնաճյուղի նախկին ղեկավար Ալի Ֆուաթ Յըլմազերը: Ձերբակալված անձանց կասկածում են լրտեսությամբ զբաղվելու ու ապօրինի գաղտնալսումներ իրականացնելու մեջ:
