Թուրքիայի էկոնոմիկայի նախարարը կոչ է արել բոյկոտել իսրայելական ընկերությունների ապրանքները

Թուրքական Anadolu լրատվական գործակալության փոխանցմամբ՝ Թուրքիայի էկոնոմիկայի նախարար Նիհաթ Զեյբեքչին կոչ է արել բոյկոտել իսրայելական ընկերությունների ապրանքները, որոնք աջակցում են Գազայհի հատվածի դեմ ռազմական գործողություններին:

Նրա խոսքերով՝ Իսրայելում գոյություն ունեն նաև այնպիսի ընկերություններ, որոնք չեն աջակցում Գազայի հատված ռազմական ներխուժմանը, և հետևաբար ճիշտ չի լինի բոյկոտը նրանց վրա տարածելը:

Ավելի վաղ թուրքական ՀԿ-ները կոչ են արել բոյկոտել իսրայելական ընկերությունները՝ ի պատասխան Գազայի հատվածում ռազմական գործողությունների անցկացման: Թուրքիան արդեն իսկ դադարեցրել է բոլոր ավիաչվերթները դեպի Իսրայել՝ կապված տարածաշրջանի անհանգիստ իրավիճակի հետ: