Օբաման Եվրոպային կոչ է արել խստացնել Ռուսաստանի դեմ պատժամիջոցները
Lenta.ru-ի փոխանցմամբ՝ ԱՄՆ նախագահ Բարաք Օբաման հեռախոսազրույց է ունեցել Նիդերլանդների վարչապետ Մարկ Ռյուտեի հետ, որի ժամանակ Եվրոպային կոչ է արել խստացնել Ռուսաստանի դեմ պատժամիջոցները:
Օբաման ընդգծել է, որ Մոսկվան վճարելու է «հավելյալ գին», եթե նա չդադարի Ուկրաինայի արևելքում գործող զինյալներին աջակցելը: Այս մասին հայտնել է Սպիտակ տան մամլո ծառայությունը:
Օբաման հայտարարել է, որ ողջունում է Եվրոպայի կողմից հավելյալ պատժամիջոցների սահմանումը նրանց դեմ, ովքեր ապակայունացնում են իրավիճակն Ուկրաինայում: Օբաման սպառնացել է, որ եթե Ռուսաստանը շարունակի աջակցել աշխարհազորայիններին, ապա կխստացվեն նրա դեմ պատժամիջոցները:
